【隱形富豪】林盛斌由月薪6千到住獨立屋　Bob公開成功秘訣鼓勵職場人

身兼多職的林盛斌（Bob）今年踏入40歲，早是圈中「隱形富豪」的Bob，身家豐厚，今年一家更搬入3層獨立屋。不過，林盛斌卻是靠多勞多得，捱至今時今日。Bob今日在社交平台撰長文分享成功致富之道，鼓勵在職年青人別要輕視自己。

Bob林盛斌在行內身兼主持、司儀、演員及娛樂公司老闆，事實Bob入行初期捱過不少苦頭，他由新城電台營業部推銷員做起，後來獲賞識轉做DJ，雖然收入下跌，但Bob憑著出色口才漸漸發圍。

▲ Bob行內身兼多職，風生水起。（取自facebook）

Bob其後加入TVB後再廣為人熟悉，10多年前，Bob開始接洽各大公司晚宴及婚宴司儀工作，憑風趣幽默的風格令他成為金牌司儀。之後Bon頻頻接廣告、司儀，再開舖、開公司成為老闆，撈得風生水起。

Bob今日在IG分享長文，細訴自己入行多年，由第一份工如何捱到今日的成就。

▲ （陳智良攝）

他寫道：「我人生第一份工，就係喺電台做Sales。 當年我嘅銷售成績，今日回想返，算唔錯，由起初底薪六七千蚊，只係短短半年時間，到我離職嘅時候差唔多出緊六七萬一個月，以一個啱啱大學畢業出嚟做嘢嘅死𡃁仔嚟講，直頭係好似人生大贏家咁！」

他續寫出自己成功之道：「點解我可以做到？因為我好明白一個道理：我唔係打緊一份工，我係經營緊我嘅生意，如果你只係當一份工，你得到嘅只係人工。如果你當係自己生意，你得到嘅就係利潤同回報。」

▲ Bob一家六口生活幸福。（取自facebook）

Bob指出：「當你好重視你盤生意，覺得間公司你都有份嘅時候，你嘅目標、你嘅心態、你嘅想法、你嘅行為，同 『只係當自己打份工』會有好大嘅分別。而呢個分別，經過一段日子，就會帶嚟好唔同嘅結果。」

所以懇請在座各位，無論你係做緊任何範疇嘅工作，千祈千祈，唔好再當自己只係打份工，你要相信你係經營一盤你都有份嘅生意，日後你所得到嘅，將會超乎你想像咁多！

擁有幸福家庭的Bob，有三女一子，一家六口搬入三層獨立屋，Bob分享自己的發達心得，盼可以為正在人生事業奮鬥的人們帶來鼓勵。